Ógleymanleg matarupplifun

Þann 11. nóvember verður annað sælkerakvöld haldið í viðburðaröðinni á Moss. Að þessu sinni munu Aggi Sverrisson yfirkokkur og matreiðsluteymi veitingastaðarins taka á móti verðlaunakokknum Gavin Kaysen.

Gavin Kaysen er stofnandi Soigné Hospitality Group sem stendur að vel þekktum og afar glæsilegum veitingastöðum á borð við Spoon & Stable, Mara og Demi. Í sameiningu mun kokkateymið setja saman frumlega og framúrskarandi sex rétta veislu. Allir réttir verða bornir fram með sérvöldum vínum sem yfirvínþjónninn Clément Robert hefur valið af kostgæfni.