Verið er að uppfæra aðgengi að athafnasvæði okkar í Svartsengi, leggja nýjan veg og útbúa bílastæði. Af þeim sökum er allur akstur gesta innan varnargarða óheimill.

Mælst er til þess að gestir aki um Hafnir (vegur 44) að Grindavík (sjá kort). Athugið að verið getur að akstursforrit á borð við Google Maps eða Apple Maps leggi til aðra leið.

Akstur á einkabíl: Gestir á einkabíl eru beðnir um að leggja við Nettó í Grindavík. Þaðan fara gestir í skutlur.

Komið með rútu: Allar rútur stoppa við Nettó í Grindavík. Þar fara gestir í skutlur.

Skutlur: Skutlurnar aka að skilgreindu svæði innan varnargarða og gestir ganga þaðan stutta leið að Bláa Lóninu.

Skutlurnar ganga reglulega á milli Bláa Lónsins og Grindavíkur. Óþarfi er að bóka sérstaklega.

Síðasta skutla fer frá Bláa Lóninu kl 20:00.

Athugið að aðlagaðir opnunartímar eru í gildi. Þessi ráðstöfun er tímabundin.

Blue Lagoon: 08:00–19:00. Gestir eru beðnir um að fara upp úr lóninu ekki seinna en hálftíma fyrir auglýstan lokunartíma.

Retreat Spa: 08:00–19:00. 

Spa Restaurant: 08:00-20:00.

Lava Restaurant: 11:30–20:00.

Moss: Opnar miðvikudaginn 11. desember.

Þeir gestir sem eiga bókanir utan tímabilsins er bent á að breyta bókun í gegnum My Booking.

Við viljum að gestir okkar séu öruggir og vel undirbúnir ef til rýmingar kemur.

Gestir sem hafa áhuga á ítarlegri upplýsingum fyrir tilteknar rekstrareiningar geta smellt á hlekkina hér:

Yfirlitskort: flótta-og akstursleiðir

Sérstakir varnargarðar hafa verið byggðir á svæðinu. Þeir eru hannaðir til að varna mögulegu hraunflæði leið að mikilvægum innviðum. Aðgerðin tekur tillit til mögulegra sviðsmynda ef til eldgoss kæmi að mati sérfræðinga. Varnargarðar eru m.a. hlaðnir beggja vegna við starfsstöðvar okkar.

Óheimilt er að ganga á varnargörðunum þar sem þungar vinnuvélar eru á svæðinu.

Net gasmæla er í og við Bláa Lónið og við höfum fjölgað mælum til þess að afla ítarlegri gagna um loftgæði á svæðinu. Eins er veðurathugunarstöð hjá Bláa Lóninu þar sem veður og vindar hafa úrslitaáhrif á loftgæði svæðisins. Með þessum hætti getum við vaktað aðstæður og safnað mikilvægum gögnum í rauntíma. Ef mælingar benda til þess að nauðsynlegt sé að grípa til viðbragðsáætlana mun starfsfólk hrinda þeim í framkvæmd og eða virkja aðrar ráðstafanir sem kunna að vera viðeigandi hverju sinni. Við mælumst til þess að fyrirmælum starfsfólks sé fylgt í hvívetna.

Ef þú ert með undirliggjandi sjúkdóm eða óviss um áhrif breytinga á loftgæðum hvetjum við þig til þess að leita ráðgjafar hjá heilbrigðisstarfsfólki.

Færustu sérfræðingar landsins á þessu sviði vakta svæðið mjög náið, fylgjast með framgangi mála og túlka nýjustu gögn í rauntíma. Sú vöktun á sér stað allan sólarhringinn, alla daga vikunnar.
Á vefsvæðum Veðurstofunnar og Almannavarna má nálgast nýjustu upplýsingar um stöðu mála.

Stig alvarleika eru þrjú; óvissustig, hættustig og neyðarstig. Þau eru flokkuð eftir alvarleika, umfangi viðbúnaðar og þörf á forgangshraða viðbragðsaðila og taka til allra neyðaraðgerða. Upplýsingar um núverandi háskastig eru aðgengilegar á vef Almannavarna.