Ógleymanleg upplifun fyrir sanna sælkera

Michelin-kokkarnir Claude Bosi og Aggi Sverrisson verða í aðalhlutverki ásamt hinum virta víngerðarmanni Daniel Carvajal Pérez hjá Dom Pérignon. Gestir fá að njóta sex rétta sælkeramatseðils sem hannaður verður sérstaklega fyrir kvöldið.

Matreiðslumeistarinn Bosi, sem stýrir eldhúsinu á hinum eftirsótta veitingastað Bibendum í London, og Aggi Sverrisson, yfirmatreiðslumeistari á Moss Restaurant, munu töfra fram sælkeraupplifun úr árstíðabundnu hráefni. Kvöldið verður svo fullkomnað með árgangavínum frá Dom Pérignon sem meistaravínþjónninn Clément Robert hefur parað sérstaklega við réttina.

Við hlökkum til að sjá þig á þessum ógleymanlega sælkeraviðburði á Moss Restaurant.